Timeline – Ama – Abibitumi.com

Ama Kambon Kuo

Ama a year ago

2,678 Abibisika (Black Gold) Points

Badges: Abibitumi Mbôngi

Rank: Unranked Obibini

Ìjàpá àti Bàbá Oníkàn ní Ṣókí

Ní ìgbà kan, Ìjàpá jẹ́ ọ̀lẹ tí kò fẹ́ ṣiṣẹ́, kò fẹ́ ṣe nǹkankan. L’ọ́jọ́ kan, Ìjàpá ronú nípa nǹkan tí yóò ṣe láti gba oúnjẹ láìṣiṣẹ́. Ní ìgbà mìíràn, ó máa ń jẹun nílé àwọn ọ̀rẹ́ rẹ̀. Ṣùgbọ́n, nígbà yẹn, kò lè jẹun nílé ọ̀rẹ́ rẹ̀, torí pé gbogbo àwọn ìyàwó wọn tì lọ s’ọ́jà. Torí náà, ó lọ sí oko Bàbá Oníkàn láti jí ìgbá wọn. Ó dẹ̀rùba gbogbo àwọn ènìyàn t’ó wà nibẹ̀. Lẹ́hìn yẹn, wọ́n sá lọ.

Àwọn ènìyàn tí wọ́n ti sá lọ lọ s’ọ́dọ̀ Kábíyèsi láti rò fún Ọba nípa nǹkan t’ó ṣẹlẹ̀. Wọ́n sọ́ gbogbo rẹ̀ fún un. Ọba ronú nípa nǹkan tí yóò ṣe fún ìlú. Ó rí nǹkan tí wọ́n ní láti ṣe. Ó pe Ọ̀sanyìn Ẹlẹ́sẹ̀kan láti wá pa ẹni ti ó jí ìgbá l’ọ́dọ̀ wọn. Ní ìgbà tí Ìjàpá débẹ̀, gbogbo ènìyàn sá lọ, ṣùgbọ́n, Ọ̀sanyìn kò lè sá lọ torí pé ó ní ẹsẹ̀ kan ṣoṣo. Ó dúró gboingboin. Nígbàti Ìjàpá rò pé gbogbo ènìyàn ti sá lọ, ó lọ jí ìgbá. Ọ̀sanyìn dúro l’ẹ́hìn Ìjàpá, ó pa á o. Kábíyèsi sọ fún Ọ̀sanyìn pé ó lè ṣe nǹkankínkan tí ó bá fẹ́ pẹ̀lú òkú Ìjàpá. ‘Torí náà, Ọ̀sanyìn Ẹlẹ́sẹ̀kan gbé e lọ láti dín in, láti jẹ Ìjàpá. Àlọ́ yìí kọ́ wa pé a ní láti ní ìwà tó dára.

Ɔbenfo Ọbádélé

1 Comment
- Ɔbenfo Ọbádélé
  
  90,548 Abibisika (Black Gold) Points
  
  Badges: UNIA Member – Powered by Abibitumi Abibitumi Mbôngi
  
  Rank: Abibinwanwa Full Member
  
  O káre l’áyé. O ṣe dáadáa.
  
  a year ago